لا انام لاحلم

لوحدي .. طب وماله ؟

لوحدي .. فيها ايه ؟؟
مش هيجرالي حاجة وانا لوحدي يعني
بالعكس مرتاحة من الناس
وهمومهم اللى كانوا بيجوا يرموها على اكتافي ويمشوا
طول عمري عاملة ام البشر صاحبة الكل وحبيبة الكل
كل حد عنده مشكلة يجيلي يفضفض واسمعه
اتعاطف معاه واحاول اساعده
بمجرد ما مشكلته تتحل ... يختفي
طيب انا فين ؟
مابقتش صاحبته يعني ؟
طيب لما اتعب انا ؟
لما تكون عندي مشكلة اكلم مين ؟

قررت من النهاردة اكتفي بذاتي مش عاوزة حد في حياتي
مش عاوزة ايد تضم
ولا كف حنين يمسح دموعي
مش عاوزة احتاج لحد
ومش هسمع لحد انه يحتاجني بعد النهارده

كان زمان

الحب
ده كان زمان
الصداقة
دي كانت زمان
الوفا والاخلاص
برضه كان زمان
الفلوس
كانت زمان
التعليم
كان زمان
الاهل والجيرة
برضه كان زمان

اموووووووووووووووووووت انا واعرف بقى ايه اللى مكانش زمان وايه اللى موجود دلوقتي ؟؟